طريقة انشاء أفضل جدول مراجعة للسادس الإعدادي
فترة المراجعة هي اهم فترة لمرحلة السادس الإعدادي. كل التعب والجهد اللي بذلته خلال الأشهر الماضية والسنوات الدراسية السابقة يعتمد بشكل كبير على شلون راح تستغل هذه الأيام المتبقية قبل الامتحانات الوزارية. هواي طلاب يضيعون وقتهم بالتسويف والتسخيت والتوتر أو بالبحث عن "جدول سحري" جاهز على الإنترنت يحل كل التراكمات والمشاكل مالتهم.
بمنصة طالب بلس نؤمن أن ماكو جدول واحد يناسب كل الطلاب، لأن قدراتنا وظروفنا تختلف كل شخص عن الاخر. لكن اكو "قواعد ذهبية" إذا طبقتها راح تكدر تصنع بنفسك أفضل جدول مراجعة يضمن لك تضبط المواد وتدخل للامتحان وأنت مرتاح وواثق.
هذا التقسيم راح يخليك تعرف وين تحط ثقلك ووقتك الحقيقي بدل ما توزع الأيام بالتساوي وتظلم المواد الصعبة والمواد الي عندك بيها تراكمات هواية.
انطي المادة الصعبة والمطولة مثل "الفيزياء أو الرياضيات" 7 إلى 8 أيام.
خطوات عملية لتصميم جدول مراجعة مثالي
1. قسم موادك بصدق (قاعدة الأصناف الثلاثة)
قبل ما تلزم القلم وتكتب الأيام، جيب ورقة فارغة واكتب كل موادك، وقسمها إلى ثلاثة أقسام:- مواد ممتازة بيها: (تحتاج مراجعة سريعة وحل أسئلة وزارية فقط).
- مواد وسط: (تحتاج قراءة بعض الفصول من جديد وتقوية نفسك بيها).
- مواد صعبة: (تحتاج وقت طويل وجهد وتركيز عالي).
هذا التقسيم راح يخليك تعرف وين تحط ثقلك ووقتك الحقيقي بدل ما توزع الأيام بالتساوي وتظلم المواد الصعبة والمواد الي عندك بيها تراكمات هواية.
2. طريقة توزيع الأيام بشكل ذكي
أكبر خطأ يسويه طالب البكالوريا هو إعطاء نفس عدد الأيام لكل المواد. مثلاً، إذا عندك 40 يوم للمراجعة، لا تقسمها وتكول (5 أيام لكل مادة).انطي المادة الصعبة والمطولة مثل "الفيزياء أو الرياضيات" 7 إلى 8 أيام.
انطي المادة السهلة أو اللي قاريها زين مثل "الإسلامية" 3 إلى 4 أيام.
نصيحة مهمة: دائماً خلي بالجدول يومين إلى 3 أيام فارغة بالنهاية سميها "أيام الطوارئ". هاي الأيام تفيدك إذا تمرضت أو تأخرت بمادة معينة، حتى ما يخرب جدولك كله وتنهار نفسيتك يعني اهم شي اتخلي كم يوم احتياط لا سامح الله يصير ضرف وياك عندك ايام احتياط..
3. ترتيب المواد بالجدول (منين أبدي؟)
هواي أساتذة ينصحون تبدأ من المادة الأخيرة بالجدول الوزاري وتتجه نزولاً للمادة الأولى، وهاي طريقة ممتازة. لكن الأهم من هذا، لا تخلي مادتين صعبات ورا بعض. مثلاً، لا تدرس كيمياء وبعدها فيزياء مباشرة. افصل بينهم بمادة حفظية مثل الأدب أو الإسلامية حتى عقلك يرتاح ويستوعب أفضل.روتينك اليومي داخل جدول المراجعة
تصميم الجدول مو بس أيام، بل ساعات باليوم الواحد. شلون تقسم يومك؟- استخدم طريقة بومودورو للدراسة: لا تدرس 3 ساعات متواصلة لأن عقلك راح يفصل وتصير تقرأ بدون فهم. ادرس 50 دقيقة بتركيز عالي جداً، وراها اخذ استراحة حقيقية 10 دقائق او ربع ساعة (اتحرك، اشرب ماء، لا تلزم التلفون).
- حدد أهداف يومية مو ساعات: بدل ما تكتب بالجدول (راح أدرس رياضيات 6 ساعات)، اكتب (راح أخلص الفصل الأول وأحل 3 نماذج وزارية). العقل يحب الإنجاز الواضح ويتحفز من تخلص المهمة.
- النوم هو سر الذاكرة: السهر المتواصل يدمر كل تعبك. إذا ما تنام بالليل من 6 إلى 8 ساعات، دماغك ما راح يكدر يخزن المعلومات اللي قريتها بالنهار.
أخطاء قاتلة تجنبها بجدول مراجعتك
- استنساخ جداول الآخرين: صديقك ممكن يكون قوي بالرياضيات وضعيف بالإنكليزي، وأنت العكس. إذا أخذت جدوله راح تدمر مستواك. جدولك لازم يكون تفصيل على مقاسك أنت.
- الجدول الخيالي: لا تصمم جدول خالي من الاستراحات والأكل والنوم، وتتوقع من نفسك تدرس 16 ساعة باليوم. خليك واقعي حتى تكدر تلتزم.
- ترك الأسئلة الوزارية للنهاية: المراجعة الحقيقية مو بس قراءة الملزمة. المراجعة هي أن تقرأ الفصل، ومباشرة تروح تحل أسئلته الوزارية للسنوات السابقة حتى تعرف نمط الامتحان وتختبر نفسك.
النجاح بالسادس الإعدادي يحتاج هدوء ونفس طويل اهم شي واستمرارية. كل دقيقة تستثمرها هسه بجدول منظم راح تشوف نتائجها بيوم النتائج. ابدأ من اليوم، رتب جدولك وتوكل على الله وأكيد النتيجة راح تكون مفرحة.