📚 كيفية الاستعداد للإمتحانات بخطوات سهلة ؟
بداية حسيت الامتحانات النهائية قربت؟ وهسه حاسس بالتوتر ؟
لا تقلق، بمقال اليوم في قسم النصائح الدراسية في منصة "الطالب بلس" راح تتعلم شلون تراجع دروسك بسهولة وبدون ضياع وقت. خصوصاً إذا جنت طالب ثالث متوسط او سادس إعدادي، هاي مجموعة من النصائح راح تفيدك جدا.
الخطوة 1: سوي جدول لكل يوم
لا تبدي تراجع كل شي دفعة وحدة، قسم المواد على شكل جدول وحدد المواد الي تدرسها خلال هذا الايام والمواضيع :مادة أو موضوع كل يوم
٥ إلى ٦ ساعات دراسة مع فواصل راحة
مثال:
- السبت = فيزياء فصل 1
- الأحد = كيمياء فصل 2
- الاثنين = مراجعة عامة + أسئلة وزارية
الخطوة 2: لا تحفظ، افهم أولًا
الفهم هو طريق الحفظ السريع يعني اذا فهمت المادة العلمية تلقائيا راح تحفظة وما تنساه ابد اما اذا اخترت طريقة "الدرخ" راح ياخذ وقت طويل ايضا هم معرض للنسيان بشكل اكبر. حاول تفهم الفكرة العامة، وبعدين احفظ التفاصيل بشكل مرتب حسب تنسيق الكتاب.استخدم أوراق صغيرة للملاحظات مثل الاستيكرات او (Flash Cards)، أو اعمل خرائط ذهنية
الخطوة 3: حل الأسئلة الوزارية
الأسئلة الوزارية كلش مهمة، لأن الاسئلة المهمة دائما تتكرر، وايضا عند حل مجموعة كبيرة من اسئلة السنوات السابقة راح تتعود على النمط الوزاري والافكار الاثرائية التي ممكن تجيراجع نماذج السنوات السابقة، وشوف نوعية الأسئلة وصيغتها واطلع على الإجابات المحلولة من مراكز الفحص او من الاساتذة الاكفاء.
إذا شفت أي سؤال صعب، لا تقلق، بس مجرد اكتب بورقة الملاحظات الي ممكن تنحل بيها السؤال وارجع الة بعدين.
الخطوة 4: راجع بصوت عالي أو مع صديق
الدراسة بصوت عالي طريقة ممتازة حتى المعلومة تثبت زين بالدماغ. اكو دراسات هواية أكدت إنو الدراسة بصوت مسموع أفضل من الدراسة الصامتة، لأن بيها تستعمل أكثر من حاسة، وهذا يقوي عملية الحفظ والفهم.وإذا عندك صديق ملتزم وجاد بالدراسة راجعوا سوه. واحد يسأل الثاني ويجاوبه، وهذا الشي كلش يفيدكم حتى تعرفون نقاط القوة والضعف عندكم. بس إذا شفتوا واحد منكم بدأ يصفن أو يقل تركيزه، شجعوا بعض واستمروا، الأهم هو الاستفادة المتبادلة.
الخطوة 5: خذ قسط كافي من الراحة
لا تدرس 10 ساعات متواصلة!خذ فترات راحة، اشرب ماي، اكل شي خفيف، وتمشى.
الدراسة لساعات طويلة متواصلة بدون توقف ممكن يخليك تتعب وما تركز بعد فترة.
لذلك، من الضروري تاخذ فترات راحة قصيرة بين الحين والآخر
والأهم: نام على الأقل 6–7 ساعات، خصوصًا قبل يوم الامتحان.
والأهم: نام على الأقل 6–7 ساعات، خصوصًا قبل يوم الامتحان.
النوم الكافي ضروري جدًا لوظائف الدماغ، وخصوصًا قبل يوم الامتحان. النوم الجيد يساعد على تثبيت المعلومات بذاكرتك ويخليك مصحصح ومركز ثاني يوم
📌 نصيحة اخيرة:
نتمنى لك كل التوفيق في امتحاناتك، ولا تنسَ تشارك المقال مع أصدقائك
📌 نصيحة اخيرة:
ابدأ بالأهم، وخلّ المواد السهلة للنهاية. لا تنسى الصلاة والدعاء، لأن التوفيق من رب العالمين أولًا وآخرًا.
📝 الخلاصة:
- المراجعة الذكية أفضل من المراجعة العشوائية.
- نظم وقتك، افهم، حل أسئلة، وراجع براحة بال.
نتمنى لك كل التوفيق في امتحاناتك، ولا تنسَ تشارك المقال مع أصدقائك